Ако им се верува на најновите информации, Porsche сè уште ја држи отворена идејата за модел на миниван.
Porsche веќе покажа дека се отворени за некои концепти, а историјата покажа дека оваа отвореност може да биде профитабилна. Cayenne и Macan се веројатно најдобриот доказ, и тоа не само во Porsche.
SUV беше успех, па зошто да не и MPV
Porsche направи одлична работа со визионерската идеја да влезе во сегментот на SUV, а речиси подеднакво беше успешен и со Panamera. Во меѓувреме пристигна и електричниот Taycan, а некаде помеѓу концептот Porsche Vision Renndienst (на сликата) остана нешто незабележан.
Станува збор за футуристичко комбе претставено во 2020 година. Атрактивниот дизајн однадвор и централно поставената позиција на возачот укажуваа на можноста за превоз на повеќе луѓе, како и на опцијата за автономно возење.
Според Indeх, овој концепт сега е споменат од Петер Варга, шеф за дизајн во Porsche. „Навистина ми се допаѓа комбето од 2020 година“, рече Варга. На прашањето за соодветноста на ваквото комбе за марката Порше, Варга одговори: „Мислам дека е така. Убава кола е, добро изгледа, а зошто да не? Комбето како производ, како идеја или концепт за нов автомобил, сега е многу интересно во комбинација со луксуз“.
Концепт интересен за Porsche
Варга ја даде изјавата на премиерата на новиот Macan во Сингапур, пренесува Carscoops и во таа прилика ја спомена Toyota Alphard велејќи дека таков модел би бил интересен за Porsche.
„Овде, во Сингапур, на пример, седите во задниот дел на комбе со големи седишта. Можеби тоа е интересен нов производ за Porsche. Тоа е мое лично мислење“.
Варга нагласува дека таков модел не би можел да ја одржи централната позиција на возење како што беше на концептот. Останатото не го коментираше, оставајќи ги фановите да фантазираат за идејата за удобен миниван на Porsche.