Портпаролот на УНИЦЕФ, Џејмс Елдер рече дека Појасот Газа е „полош од детски гробишта“ и предупреди дека ситуацијата може да се влоши.
Елдер, кој штотуку се врати од еднонеделната посета на Појасот Газа, рече дека децата во палестинската енклава живеат во пеколни услови и предупреди на сериозни последици за децата поради недостаток на храна, вода и лекови, пренесе Си-Ен-Ен.
Елдер истакна дека децата во Газа се изложени на ризик од глад, жед и болест и истакна дека тој никогаш не видел такво ниво на уништување и очај на кое било место.
Тој претходно изјави за Си-Ен-Ен дека родителите со кои разговарал во Газа сфатиле дека болниците повеќе не се опција за нивните деца поради постојаните напади, што го отежнувале пристапот до болниците.
Во повеќето конфликти од последните 15 до 20 години, од вкупниот број мртви, има околу 20 проценти од деца, а во конфликтот во Газа, тој број е двојно поголем – 40 проценти, рече Елдер.