Последниот Mercedes-Benz 300SL Gullwing излегува на аукција

Последниот направен Mercedes-Benz 300SL Gullwing ќе биде ставен на ексклузивната аукција на RM Sotheby’s во Лас Вегас подоцна овој месец.

Поточно, на 22 ноември ќе се најде на аукција последниот од 1.400 примероци направени во периодот од 1954 до 1957 година.

Во прашање е автомобилот Fire Engine Red, со внатрешност од крем кожа, кој беше испорачан во САД на 27 септември 1957 година.

Досега имаше само четворица сопственици, а сегашниот го чуваше повеќе од 25 години, забележуваат од RM Sotheby’s.

RM Sotheby’s очекува последниот Gullwing да се продаде за помеѓу 2,5 и 3,5 милиони долари, што се очекува за автомобил кој не е еден од оние ретки Gullwings со алуминиумска каросерија.