Европските монарси одамна дадоа пат на демократијата, како и оние во Јапонија и Тајланд. Денес речиси сите апсолутните монархии се наоѓаат на територијата на Блискиот Исток и поконкретно на Персискиот залив. Таму владетелите се старомодни. Крвавите конфликти се на прагот , растечката популација и глобализацијата, сепак не успеваат да ги разнишаат – тие се уште се причината за релативната стабилност на регионот. Ги нарекуваат “последните кралеви” не затоа што се смета дека наскоро ќе заминат од власта, туку затоа што се единствените кои сеуште ја фокусирале власта целосно во рацете на еден застарен начин. Во следните редови ќе обрнеме подетално внимание на некои од најинтересните и највлијателните фигури во регионот.
Кралот Салман бин Абдулазиз ал Сауд, Саудиска Арабија
На крајот на јануари на 90-годишна возраст почина кралот Абдула – долгогодишниот владетел на Саудиска Арабија, човек кој се перцепираше како реформатор, но всушност направи доста за модернизацијата на својата земја. Го наследи го неговиот полубрат – крал Салман. Тој најверојатно ќе продолжи по политичката линија на неговиот претходник, но е возрасен и болен и едвај ќе остане долго на тронот. Поинтересна фигура е престолонаследникот принцот Муркин, 69-годишен, за кого не се знае многу, освен дека со години ги контролирал тајните служби на земјата и дека силно го мрази Иран (што не е изненадувачки, со оглед на конкуренцијата меѓу Саудиска Арабија и Иран за влијание во регионот).
Султан Кабус бин Саид, Оман
Нетрадиционална фигура во регионот, доста резервирана и умерен монарх. Го завршува образованието во Индија и Велика Британија, станува султан во 1970 година и е единствениот таков, откако Оман добива независност. Кабус ја одржува земјата неутрална во повеќето конфликти, има добри односи и со Иран, и со Западот, дури често дејствува како посредник помеѓу нив. Во надворешната политика секогаш бара рамнотежа. Бил женет еднаш – за братучетка, но се разведуваат пред многу години. Нема деца, ниту браќа и тоа го остава отворено прашањето кој ќе го наследи на престолот. Султанот е на 74 години, а и има здравствени проблеми, па темата дефинитивно е на дневен ред. Кабус бин Саид е таинствен во врска личниот живот и интереси,се знае само дека е голем обожавател на класичната музика. Под негово покровителство основан е оркестар од 120 музичари има многу висока репутација во Блискиот Исток.
Шеик Хамад бин Иса ал Калифа, Бахреин
Го добива своето образование во престижни универзитети во Велика Британија и САД, служел во британската армија. Откако го презеде управувањето, успеа да ја подобри економската состојба на Бахреин. Ова сепак не му појде, за да си обезбеди мир на умот. Успеа да ги смири немирите за време на Арапската пролет, но шиитската заедница во земјата, која е мнозинство, го обвинува за корупција, дискриминација, ангажирање на сунитски племиња за воведување ред. Самиот шеикот е сунит. Тој има четири жени и дванаесет деца.
Шеик Тамим бин Намад бин Калифа ал Тани, Катар
Најмладиот монарх во светот, 34-годишен, ја презеде власта од својот татко во 2013 година. Дотогаш заземаше различни политички позиции и се занимаваше активно со организирање на спортски настани. Во моментов не му е лесно – мора да се справи со голем број предизвици, оставени од неговиот татко, на пример корупцијата. Опишуван како уверен, но претпазлив прагматичар кој поддржува многу добри односи со Западот, особено со САД и Франција. Една основна тревога – доста е близок и со исламистичката партија “Муслимански браќа”. Според аналитичарите тој ќе наметне повеќе конзервативно управување од досегашното. Има две сопруги и шест деца.
Кралот Абдула Втори ибн ал-Хусеин, Јордан
Со објаснување дека Јордан не се наоѓа во Заливот, сепак не можеме да го пропуштиме крал Абдула од две причини – тој е прогласен за четвртиот највлијателните монарх во светот и во последните денови интересот за него е значителен, откако лично ја поведе јорданската воздушна операција против “Исламска држава”. Не е посебно изненадување дека и тој е со западно образование. Постојат неколку достигнувања како владетел – успеа да ја стабилизира економијата на Јордан, секогаш се залагал за разбирање и толеранција меѓу муслимани и христијани и има работено во оваа насока,ги забрани апсењата на новинарите. Со неговата убава сопруга-палестинка кралица Ранија имаат четири деца. Абдула е единствениот владетел на Јордан до моментот кој има само една жена. Меѓу хобијата му се скокање со падобран, нуркање, фудбал. Иако позитивниот имиџ и пофалби и овој крал нема внесено којзнае какви демократски промени во управувањето и тоа останува целосно во неговите раце.