Состојки:
– 2 моркова (200 g)
– 2 компира (250 g)
– 1/2 шолја грашок
– 1 шолја сечкани кисели краставички
Состојки за мајонез:
– 150 гр варени леблебии
– 120 мл течност во која се вареле леблебиите
– 50 мл масло
– 1/2 лажичка сол
– 1/2 лажичка сенф
– 1 лажица сок од лимон или оцет
– бибер и сол по вкус
Подготовка на посен мајонез:
Леблебиите ставете го во потесен, подлабок сад (може да користите и тегла), измелете ги со рачен миксер додека не се целосно змечени.
Се додаваат зачините и останатите состојки и постепено се додава маслото и течноста во која се вареле леблебиите со непрекинато мешање.
Посниот мајонез е подготвен.
Подготовка на руска салата:
Посната руска салата се подготвува на ист начин како и мрсната.
Зеленчукот сварете го на вообичаен начин, кога ќе се излади исечкајте го (морковите и компирите).
Количините на зеленчук се приближни, можете да ги зголемите или намалите, во зависност од тоа каква посна руска салата сакате – посочна или „посува“.
Една шолја сечкани краставици е околу 5-6 краставици.
Измешајте го зеленчукот и посниот мајонез.
Зачинете по вкус, додадете сол и бибер. По вкус, можете да додадете некој друг зеленчук и зачини.