Официјални лица на Русија, Украина, Турција и ОН преговараа за продолжување на извозот на жито од Украина преку Црното Море.
Преговорите доведоа до договор за формирање на координативен центар за обезбедување на безбедноста на рутите, објави турскиот министер за одбрана Хулуси Акар.
Тој додаде дека договорот ќе биде потпишан следната недела кога повторно ќе се сретнат сите страни, пренесе „Ројтерс“.
Акар изјави дека сите страни се согласиле за заедничка контрола на житото во пристаништата.
Како што објави „Индекс“, по овој повод на Твитер се огласи шефот на кабинетот на Зеленски, Андриј Јермак.
🇺🇦 Black Sea security is a priority in the issue of resuming of Ukrainian agricultural export.
That is why 🇺🇦 has proposed to form a basic navigation algorithm for the Black sea. It will ensure the 🇺🇦 grain export and guarantee food security for millions of people.
— Andriy Yermak (@AndriyYermak) July 13, 2022
„Неговата задача ќе биде да изврши општ надзор и координација на безбедната пловидба во Црното Море. Ова ќе обезбеди извоз на украинско жито и ќе гарантира безбедност на храната за милиони луѓе ширум светот“, напиша тој.
Претставниците на Украина и Русија ќе се сретнат следната недела во Турција за да разговараат за деталите од новиот договор.