Повеќе од 1,3 милијарди луѓе ќе имаат дијабетес до 2050 година

Бројот на возрасни кои живеат со дијабетес ширум светот ќе се удвои до 2050 година, според истражувањето објавено во научното списание „Лансет“.

Се предвидува дека бројот на дијабетичари ќе се зголеми од 529 милиони во 2021 година на 1,3 милијарди во 2050 година, пишува Гардијан.

Експертите наведуваат дека податоците се алармантни, додавајќи дека дијабетесот ги надминува повеќето болести во светот и дека претставува значајна закана за луѓето и здравствените системи.