Канцеларијата за Косово соопшти дека момчето Лазар М.(15) утрово било претепано од четворица повозрасни Албанци во етнички мешаната населба Суви До.
Тој утрово пеш излегол од дома кога од автомобилот во движење му довикнале на албански јазик.
Детето ја спуштило главата, што на албанските екстремисти им било знак дека не го разбира јазикот и дека е Србин, па го запреле возилото и го претепале момчето.
Како што се наведува во соопштението, момчето утринава во придружба на неговиот татко Златко дошло во КБЦ Косовска Митровица со видливи повреди на главата, хематоми и гребаници, како и модринка под окото, а според него, напаѓачите го удриле неколку пати во пределот на градите и стомакот. Направено му е целосна дијагноза и пуштен е на домашно лекување.
„Утрово одев на работа и ме пресече автомобил. Нешто ми кажаа на албански, не разбрав, ја спуштив главата и продолжив понатаму. Тие излегоа од автомобилот, јас почнав да бегам од нив, но тие ме стигнаа, ме фатија и потоа ме клоцаа и удираа каде и да стигнат. Ништо не ми кажаа, само ме тепаа и ми го извадија телефонот од јакната“, изјави Лазар за Косово онлајн.
Тој додаде дека вакво нешто му се случува првпат и дека никогаш немал проблем со соседите Албанци. Лазар истакна дека е исплашен поради нападот и дека не разбира зошто го претепале, додавајќи: „Дали им пречи што сум Србин или нешто друго, навистина не разбирам“.
Директорот на Канцеларијата за Косово, Петар Петковиќ, веднаш разговарал со таткото на повреденото момче и му пружил поддршка и ја понудил сета помош на Управата.
„Очигледна е вистината дека нивната намера е да обезбедат заштита на хулиганите и екстремистите да ги напаѓаат Србите и српските деца неказнето. Никој не смее да ја сврти главата од овој напад и целата меѓународна заедница мора да го погледне Лазар во очи и да му објасни зошто бил нападнат на неговиот праг. Овде не смее да има простор за релативизирање на нападот, бидејќи Лазар бил нападнат само и исклучиво затоа што е Србин“, се наведува во соопштението на Канцеларијата за Косово.