487
Најмалку пет лица загинаа, а повеќе десетици се повредени, од кои 10 потешко, во шумските пожари што во текот на ноќта зафатија неколку села во југоисточна Турција, изјави денеска турскиот министер за здравство Фахретин Коча.
Пет лица загинаа, а 44 се повредени, од кои 10 потешко, кога пожарот зафати две области во близина на градот Мардин на југоистокот од земјата, напиша министерот за здравство Фахретин Коча на платформата Икс.
Најголемиот пожар избувна во областа меѓу Мардин и Дијарбекир.
Во гаснењето на пожарот интервенирале 41 возило и 150 луѓе, јавува „Анадолија“.