Познатата пејачка и ТВ водителка Кели Кларксон отворено зборуваше за нејзиниот метод на дисциплинирање на децата, вклучително и удирање по задникот, што предизвика дебата меѓу родителите ширум светот.
Кларксон призна дека не се воздржува од повремено физичко казнување на своите деца, иако е свесна дека тоа е контроверзно. Во интервју за радио станицата „Атланта 94.1“, таа рече: „Јас не сум против тепањето, иако тоа не е многу популарно мислење. Не мислам на насилно тепање, туку на лесни шлаканици по задникот“.
Пејачката и водителка на „The Kelly Clarkson Show“ истакна дека нејзините родители ја дисциплинирале на ист начин кога била мала: „Моите родители ме удираа и мислам дека добро се снајдов. Затоа ми е добро со тоа, и го правам тоа понекогаш со моите деца“.
Кларксон, исто така, спомнала како станува „тешко“ да се спроведе таква дисциплина во јавноста бидејќи луѓето често го осудуваат удирањето деца. „Незгодно е кога сте во јавност бидејќи луѓето веднаш мислат дека тоа е погрешно или насилно, но јас не гледам ништо лошо во тоа“.
Сепак, таа нагласи дека прво им дава предупредување на децата пред да прибегне кон физичко казнување. „Им велам: Ќе престанете или ќе добиете по задникот. И, искрено, навистина функционира – тие ретко продолжуваат со своето лошо однесување потоа“.
Кели Кларксон има две деца со поранешниот сопруг Брендон Блексток – ќерката Ривер Роуз (8) и синот Ремингтон Александар (6).