Познатиот бразилски фудбалер оди две години на „ладење“ поради допинг

од Симе Стоиков

Познатиот бразилски фудбалер Габриел Барбоса или скратено Габигол, се соочува со двегодишна забрана за мамење на антидопинг тест, што значи дека ќе паузира до пролетта 2025 година.

По денешното судење, каде што беше обвинет за прекршување на процедурата и обид за измама, беше одлучено напаѓачот на Фламенго да започне со издржување на казната на 8 април. На Габигол му беше дозволено да се жали на оваа одлука.

Како што се наведува за време на тестирањето, Габигол се однесувал непрофесионално, ги игнорирал службениците на антидопинг агенцијата и не ги почитувал пропишаните процедури.

Обидот за мамење за време на тестот беше основа за суспензија од четири години, но на крајот тој беше осуден на двегодишна казна. Пресудата се заснова на сведочењето на биохемичар кој го објаснил процесот на антидопинг тестирање, нагласувајќи дека гестот на Габигол бил оценет како измама или обид за измама.

Слични содржини