ПР тимот на принцот Хари и Меган Маркл ги предупреди новинарите на Би-Би-Си да не ангажираат само „постари белци“ за извештаи за големото интервју што војвотката и војводата од Сасекс го имаа со Опра Винфри пред неколку дена.
Имено, претставникот на новата компанија Хари и Меган наречена „Арчевел“ им пишал на дописниците на Би-Би-Си пред да се емитува интервјуто и ги замолил да бидат непристрасни.
Интервјуто, кое се емитуваше во неделата вечер, предизвика голема дебата во сите медиуми за менталното здравје и идната насока на кралското семејство. Тимот на Хари и Меган инсистираше на тоа дека е потребен широк спектар на соработници за да разговараат за вакви важни прашања, а не само „постари белци“.
Членовите на Би-Би-Си биле малку навредени од мејловите и ситуацијата ја нарекоа „малку чудна“.
– Радиодифузерот е горд на својата непристрасност, што е еден од клучните принципи на известување за оваа организација – рече извор од Би-Би-Си.
– Би-Би-Си по својата природа мора да биде непристрасен во секое време. Значи, фактот дека ПР тимот на Хари и Меган ни рекоа како да го спроведеме нашето покривање на главните вести е барем малку чуден – додаде извор од Би-Би-Си.
Се огласи и ПР тимот на Би-Би-Си.
– Многу портпароли не контактираат нон стоп. Имаме широк спектар на новинари и не верувам дека ќе има проблеми – заклучи портпаролката на Би-Би-Си.