Еден од најпознатите рокери на Балканот, Бора Ѓорѓевиќ е во болница во Љубљана и е на кислородна поддршка.
Како што откри за српски „Курир“ Бане Обрадовиќ, менаџерот на „Рибља чорба“, здравствената состојба на Бора Ѓорѓевиќ нагло се влошила.
Бора Ѓорѓевиќ е роден во Чачак, а често јавно изјавуваше дека се нервира само на настапите во родниот град.
„Роден сум во Чачак и бев многу возбуден кога добив признание за почесен граѓанин. Јас сум од Чачак и работам привремено таму некаде, сите што сме надвор од Чачак еден ден ќе се вратиме на падините на Јелица за да останеме трајно во Чачак“, рече со насмевка тој.
„Тоа признание обично го даваат постхумно, а постхумно не ми значи многу, бидејќи нема да знам. Би сакал да доживеам такво нешто во Чачак. Додуша и јас имам нешто слично во белградската зоолошка градина, има патека која се вика уличката на Бора“, изјави Бора.
„Голема е одговорноста да свирам во Чачак, секогаш сум нервозен во мојот град, дури и сега, на оваа возраст“, објасни тој и додаде дека го донел и вујко Јоца Змај, член на бендот кој не се гледа често, до Чачак.
Траката „Две гитари“ која ја направи заедно со покојниот басист Миша Алексиќ ја расплака публиката. Покрај тоа што ја отпеа, тој најпрвин им ја рецитираше песната на чачани, оставајќи им ја во аманет својата последна желба.
„Пратете го моето тело во Чачак, во Србија, оставете го моето срце во Љубљана, нека биде таму. Не трошете си ги парите, јас не сум толку важен лик“.