Три години по нивната венчавка во вилата Далмација во Сплит, Мате Римац и Катарина Ловриќ се разведоа, пишува хрватски Индекс, чија информација ја потврдија повеќе извори блиски до Римац. За потврда на информацијата контактирале и со соработниците на Римац.
По венчавката во вилата Далмација во мај 2021 година, парот направи и црковна венчавка во околината на Ливно. По црковната церемонија тие се упатија на свадбената веселба со жолтата Невера. Првото оро го одигра Момчило Бајагиќ Бајага, а се работеше за песната „Бадеми и сол“. Гостите ги забавуваше и „Забрането пушење“.
Бајага, како и „Забрането пушење“ ги избрала лично невестата, која е нивна голема обожавателка. Тоа го потврдува и нејзината објава на Фејсбук од 2018 година, кога сподели фотографија од забава во Осјек, кога таа се качи на сцената покрај Момчил Бајагиќ Бајага и запеа заедно со него.
Темата на свадбата беше – природа. Тоа се одрази во изборот на самата локација, зеленото пространство на Ливањско поле, но и, на просторот за одмор поставен околу стаклената сала во која имаше маси направени од дрвени палети и повеќе од 150 бали сено кои делуваа како столчиња.
Ниту еден од бројните гости не смеел да се пофали на социјалните мрежи, бидејќи објавувањето било забрането за да се зачува приватноста на парот. Сепак, не сите го почитуваа тоа, па набрзо се дозна дека парот впловил во „брачното пристаниште“. Голем број чувари беа загрижени за приватноста и безбедноста на младенците и нивните гости во и околу стаклената сала.
Катарина, како и Мате, е по потекло од Ливно во Босна и Херцеговина, а студирала маркетинг на приватен универзитет во Загреб.
Мате се уште има фотографија со Катарина на својот Фејсбук профил, а сѐ уште и се следат на социјалните мрежи.