Состојки:
– 2 лажици кокосово брашно
– 2 лажици мелен лен
– 3/4 шолја од 2 дл вода
– прстофат сол
– 1 јајце
– 2 лажички путер
– 1 лажица слатка павлака или кокосово млеко
– 1 лажица кафеав шеќер
Декорација:
– овошје по желба или јаткасти плодови
– мед
Подготовка:
Во мало тенџере ставете го кокосовото брашно, мелените ленени семиња, прстофат сол и вода. Измешајте и ставете на средна топлина. Мешајте додека не почне да се згуснува.
Тргнете го тенџерето од шпоретот, па полека додајте го изматеното јајце со постојано мешање. Вратете на шпорет и варете со мешање додека не се згусне кашата.
Се трга од шпорет и се меша околу половина минута, па се додава путерот, слатката павлака или кокосово млеко и шеќерот.
Ставете во чинија, а одозгора додадете овошје или јаткасти плодови. По желба прелијте со мед и послужете топло.