Состојки:
– 1 кг поголеми тиквички
– 500 гр мелено говедско месо
– 400 гр моцарела
– 2 главици кромид
– 4 јајца
– 400 мл кисела павлака
– 200 мл пасирани домати
– сол, бибер и други зачини по желба
– масло за пржење по желба
Подготовка:
Излупете ги тиквичките и исечете ги по должина на малку подебели кругови. Ставете ги во поголем сад, добро посолете ги и оставете ги да отстојат додека не пуштат вода. Потоа исцедете ги и исушете ги со хартиени крпи.
Кромидот ситно се сечка и се пржи на малку масло. Додадете го говедското месо, па пропржете го со кромидот додека не добие убава кафена боја. Додадете сол, бибер и други зачини по желба.
Додадете го пасираниот домат и гответе го на умерена температура додека не стане густ. По потреба додадете малку вода.
Јајцата се матат и се додава павлаката, се убаво се меша, а моцарелата се сече на тенки кришки.
На дното на подмачкан плех ставете ред тиквички, врз тиквичките намачкајте две-три лажици сос со месо, па прелијте со малку од смесата со јајцата и пвлката, па одозгора ставете ги прстените од моцарела.
Постапката повторете ја додека не ги потрошите сите намирници.
Ставете ја мусаката во рерна загреана на 180 степени и печете околу 40 минути.