Премиерот на Јапонија: Кина веднаш да ги прекине вежбите во Тајванскиот теснец

Јапонскиот премиер Фумио Кишида повика на „итно запирање“ на кинеските воени вежби насочени кон Тајванскиот теснец.

Кишида, по средбата со американската функционерка Ненси Пелоси во Токио, рече дека Јапонија апелирала за итен прекин на воените вежби, кои тој ги опиша како „сериозен проблем што влијае на националната безбедност на Јапонија и нејзините граѓани“, пренесе „Гардијан“.