Властите на девет германски сојузни покраини сакаат да воведат данок на засладените пијалоци, што би довело до ново зголемување на цените.
Според записникот од последната конференција на федералните министри за заштита на потрошувачите, Бранденбург, Бремен, Хамбург, Мекленбург-Западна Померанија, Долна Саксонија, Рајнска област-Пфалц, Сар, Саксонија и Тирингија бараат воведување „данок на слатки газирани пијалоци“.
Федералните држави бараат од федералната влада да го испита воведувањето на данокот „како давачка поврзана со производителите“, се вели во записникот.
Причината е што содржината на шеќер во слатките пијалоци не е доволно намалена. Факт е дека еден литар Кока-Кола содржи околу 106 грама шеќер.
Затоа, и покрај доброволните обврски и индустриските ветувања во Германија, просечната содржина на шеќер во безалкохолните пијалоци не е намалена во последниве години до степенот потребен за здрава исхрана, се вели во соопштението на деветте сојузни држави.
Данок на шеќер
Во студија на Техничкиот универзитет во Минхен и британскиот универзитет во Ливерпул, тие препорачуваат данок на шеќер во безалкохолните пијалоци. Ова на крајот на минатата година го објави магазинот „PLOS Medicine“.
Според тоа, таквиот данок во Германија би можел да заштеди до 16 милијарди евра во следните две децении и пред се да спречи бројни болести.
– Данокот на безалкохолни пијалоци во Германија би имал значителни позитивни ефекти. Би се конзумирало помалку шеќер, а поретко би се јавувале болести. На овој начин би можеле да се намалат економските трошоци и да се олесни здравствениот систем, велат од истражувачкиот тим.
Светската здравствена организација (СЗО) дури препорачува специјален данок од најмалку 20 отсто за слатки пијалоци. Со цел да се намали потрошувачката на шеќер кај населението и поврзаните здравствени последици, како што е дебелината.