Претрес во Кочани, пронајдени нелегални пиштол и муниција

Полициски службеници од ОВР Кочани, вчера го лишиле од слобода Р.Н.(45) од Кочани.

Како што информираат од МВР, при претрес во неговиот дом, извршен со судска наредба, биле пронајдени и одземени пиштол „Црвена застава“ калибар 7.65 мм и 50 куршуми калибар 7.65 мм за кои не поседувал дозвола.

Тој бил задржан во полициска станица и по целосно документирање на случајот против него ќе биде поднесена соодветна пријава.