Претседателката на Tesla, Робин Денхолм, денес ги негираше медиумските извештаи дека членовите на одборот на директори на компанијата контактирале со компании за пребарување раководни кадри за да најдат замена за извршниот директор Илон Маск.
Денхолм на платформата X изјави дека извештајот на „Волстрит журнал“ е „апсолутно лажен“ и дека одборот на директори на производителот на електрични возила е „цврсто уверен“ во способноста на Маск да „продолжи да го спроведува“ планот за раст на компанијата, објави Ројтерс.
„Волстрит журнал“ вчера објави дека одборот на директори на Tesla контактирал со неколку фирми за пребарување раководни кадри пред околу еден месец за да го пронајде новиот извршен директор на компанијата, повикувајќи се на извори запознаени со ова прашање.