Претседателот на Иран: Ќе се одмаздиме за убиството на полковникот на гардата

Иран ќе се одмазди за смртта на полковникот на Револуционерната гарда Сајад Ходаи, изјави денеска претседателот на оваа земја, Ебрахим Раиси.

„Им наредив на нашите безбедносни сили сериозно да го сфатат ова прашање и не се сомневам дека ќе биде извршена одмазда за пролевањето чиста крв на нашиот маченик“, наведе Раиси, еден ден откако две лица на мотоцикл го убија елитниот офицер во атентат во Техеран, пренесе „Ројтерс“.

Портпаролот на Револуционерната гарда, Рамадан Шариф, изјави дека „ова убиство само ја зајакнува одлучноста на гардата да им се спротивстави на непријателите на Иран“.