Најмладиот син на принцот Вилијам и Кејт Мидлтон му се придружи на семејството на утринската миса овој Велигден, а веќе долго време е познат како миленик на јавноста. Иако овој пат не правеше смешни детски фаци, многумина забележаа колку принцот Луис личи на својот дедо.
Познат по своите гримаси и изрази на лицето за време на кралските собири, многумина сè уште потајно се надеваа дека принцот Луис повторно ќе направи нешто за да ја насмее целата нација, но и пошироко. Младиот принц во неделата присуствуваше на својата прва Велигденска служба во Виндзор, а присуството на медиумите го принуди да ја задржи насмевката и разиграно да погледне во толпата.
Принцот Луис беше облечен да одговара на остатокот од петчленото семејство кое носеше облека во сини тонови овој Велигден. Четиригодишното момче носеше елегантни шорцеви, карирана кошула, вратоврска и темно сако, како и незаменливи чорапи до колена, кои се сметаат за дел од свечената облека за момчињата.
Шармантното момче се насмевна на толпата, а многумина истакнаа дека младиот принц изгледа како двојник на Мајкл Мидлтон, таткото на Кејт.
Постариот принц Џорџ носеше комбинација која беше посоодветна за постарите момчиња. Деветгодишното момче беше многу дотеран и сериозно облечено во темно сино одело, исто како и неговиот татко Вилијам. Шарлот го носеше омиленото палто од брендот Амаја, сини хулахопки и машна во косата.