Принцот Џорџ со кралицата Елизабета прави пудинг за да ја расположи во деновите кога нејзиниот сопруг се опоравува во болница, пишува The Sun.
Инаку, една од традиците во кралското семејство е токму правењето пудинг кој кралицата им го носи на членовите од семејството.
Со нив се дружеа и принцот Чарлс и принцот Вилијам, а кралицата уживала во нивното друштво. Фотографиите беа споделени на Инстаграм профилот на Кенсингтонската палата.
https://www.instagram.com/p/B6WcfCSlbm4/
Принцот Филип до Божик ќе биде во приватната болница во Лондон. Извор близок до семејството рекол дека принцот инсистира, без оглед на неговата состојба, семејството да продолжи со прославите и да не го посетуваат.
– Не сака семејството да го види во болница. Не сака да им пречи во плановите, а сигурно не сака семејството да го помине Божик држејќи се за болнички кревет – рекол изворот.
Пријателот на принцот додал дека Филип сака да се опорави што побрзо и дека сака да ја доживее стотата. Секогаш зборувал дека не сака да биде стар и очаен и да го спречуваат да го работи она што го сака. Мразел кога здравјето му е нарушено.
– Кога Филип нешто ќе науми, можеме да се обложиме дека и ќе успее во тоа – додал.