Војводата од Сасекс, кој сега главно престојува во САД, повторно бара пари за безбедноста на неговото семејство.
Претходно ова лето, тој доби дозвола да ја оспори претходната одлука на Врховниот суд за максималниот степен на заштита.
Според пресудата, Хари и Меган немаат право да бараат највисоко ниво на заштита и не можат да вработат некој за хонорар.
Став по ова прашање зазеде и личната секретарка на кралицата Елизабета, која има особено затегнати односи со нејзиниот внук. Таа беше категорична дека „не може да ги толерира лудорите на Меган Маркл“ и во директен текст изјави дека „Хари е едно од огромните разочарувања во семејството“.
Кралицата не сакаше ниту да стави слики од младото семејство зад себе додека го правеше своето традиционално божиќно обраќање до нацијата.
Сега е повлечена полициската заштита на Хари, финансирана од даночните обврзници. Новото правно барање на Војводата е тој да може да плати за заштита за себе, Меган и неговите две деца, Арчи и Лилибет, кога семејството ќе ја посети нивната родна земја.
Неговите адвокати претходно рекоа дека Велика Британија „секогаш ќе биде дом на принцот Хари и земја во која тој сака неговата сопруга и децата да бидат безбедни“, нагласувајќи дека „недостатокот на полициска заштита“ претставува „преголем личен ризик“.
Оваа правна битка се очекува да го чини Хари не помалку од 100.000 фунти, кои автоматски ќе бидат вратени доколку судот пресуди во корист на внукот на Елизабета.