Припадници на црногорската армија ќе се приклучат на мисијата на НАТО за помош на Украина

Црногорскиот парламент денес гласаше за испраќање на свои војници во мисијата на НАТО за помош на Украина.

44 пратеници гласаа „за“, додека пет беа „против“, а двајца беа воздржани.

Пратениците од Демократската партија на социјалистите (ДПС), движењето „Европа сега“ (ПЕС), Демократска Црна Гора, Социјалдемократите (СД), Новата српска демократија (НСД), Граѓанскиот сојуз „ЦИВИС“, Албанскиот форум, Бошњачката партија и независни пратеници гласаа „за“ одлуката.