Членови на движење против вакцинација се обиделе насилно да влезат во телевизискиот центар на Би-Би-Си во Вајт Сити во западниот дел на Лондон. Видеото објавено на социјалните мрежи покажува како демонстранти се обидуваат да влезат во зградата на британскиот јавен сервис, во присуство на голем број полицајци, пренесува „Индипендент“.
Со извици и свирежи, членовите на движењето се обиделе насилно да влезат во зградата на британскиот јавен сервис. Според „Индипендент“, полицијата ги спречила во тоа.
Портпаролот на полицијата изјави дека група демонстранти се собрале во Вајт Сити.
Official Voice protesters against vaccine passports and vaccination of children try storming the BBC studios at white city pic.twitter.com/AWN4ZrGHMb
— Willow (@Willow__Bella) August 9, 2021
„Никој не е уапсен, но полицајци се присутни и ќе продолжат да ја следат ситуацијата“, изјави портпаролот на полицијата.
Портпаролот на Би -Би -Си изјави дека медиумската корпорација не коментира безбедносни прашања.
Надвор од студиото на британскиот јавен сервис, се слушале извици „Срам да ви е“, а еден од демонстрантите ја обвинил телевизијата дека не ги дава вистинските информации.
Коментарите објавени на социјалните мрежи наведуваат дека собраните во Вајт Сити протестирале против пасошите за вакцинација и имунизација на децата.