Приватниот сектор во еврозоната расте со најбрзо темпо во последните 16 месеци

Приватниот сектор во еврозоната порасна со најбрзо темпо во последниве 16 месеци, бидејќи растот на услугите го надмина падот во производството, покажаа денес прелиминарните податоци од S&P Global за септември.

Композитниот индекс на менаџери за набавки (PMI) се искачи на 51,2 во септември од 51 во август, дополнително оддалечувајќи се од прагот од 50 поени што го одделува растот од контракцијата.

Индексот на секторот за услуги се искачи на 51,4, што е најдобар резултат во последните девет месеци, додека PMI за производство падна на 49,5, што укажува на континуирано намалување на производството.