Приведени две лица откако со багер почнале да копаат премин во Кинескиот ѕид

Две лица биле приведени и против нив е покрената истрага откако со багер почнале да копаат премин во Кинескиот ѕид, а при сослушувањето признале дека тоа го сториле во обид да направат кратенка за да го намалат времето на патување, објави државната телевизија CCTV.

Според извештаите, полицијата во кинеската провинција Шанкси ги следела трагите на машините кои биле користени за копање кратенка низ дел од Кинескиот ѕид.

Изградбата на Кинескиот ѕид, кој е поделен на делови кои вкупно се протегаат на илјадници километри, започнала во третиот век пред нашата ера и продолжила со векови.