Приведено лице од Неготино, неколку часа претходно одзело возило на скопјанец

На 10.08.2022 во 12.30 часот на автопатот А1 полициски службеници од СВР Велес го лишиле од слобода Ѓ.М.(68) од Неготино, поради постоење на основано сомнение за сторено кривично дело „одземање на моторно возило.“

Тој се сомничи дека неколку часа претходно во Скопје одзел патничко возило „шевролет авео“, со скопски регистарски ознаки, сопственост на С.А. од Скопје.

По целосно документирање на случајот против Ѓ.М. ќе биде поднесен соодветен поднесок.