Продавачка избрка крадци со правосмукалка

Продавачка во Германија избркала двајца вооружени крадци со правосмукалка.

Обидот за грабеж се случил во деноноќна продавница во Берлин. Двајца мажи влегле по полноќ во продавницата и ѝ се заканиле со пиштол на продавачката, која во овој момент чистела со правосмукалка. Арамииите го побарале од неа прометот, но таа одбила да им го даде.

59-годишната жена дури и им се заканила на криминалците со правосмукалка. Крадците очигледно биле аматери, полицијата претпоставува дека најверојатно и оружјето им беше лажно. Така, двајцата побрзале да избегаат, стаписани од налутената продавачка.