Продажбата на автомобили Tesla падна во јануари оваа година во пет европски земји, особено во Франција, за дури 63 отсто, објавија француските медиуми.
Освен во Франција, продажбата на електрични возила Tesla паднала за 44 отсто во Шведска, 38 отсто во Норвешка, 42 отсто во Холандија и 12 отсто во Обединетото Кралство, пренесува RFI.
Едно објаснување за падот на продажбата е тоа што Tesla нема лансирано нов модел од 2021 година и Model Y, а во меѓувреме, неговите конкуренти од Европа и Кина објавија серија возила со поприфатлива цена, подобро прилагодени на барањата на локалните пазари.
Европските политичари го кренаа својот глас по неодамнешните реакции против коментарите и однесувањето на сопственикот на Tesla, Илон Маск, а неколку европски медиуми ги затворија своите профили на Х (поранешен Twitter), осудувајќи го „ширењето на дезинформации“.
Маск ги отфрли критиките упатени кон него, нарекувајќи ги напад врз демократијата и слободата на говорот.