Иако се уште не е јасно дали ќе биде исклучиво за кинескиот пазар, производството на Tesla Model Y Juniper ќе започне за само неколку недели.
Во Tesla се подготвуваат да го претстават обновениот Model Y наречен Juniper, кој веќе е забележан на неколку локации за време на тестирањето. Масовното производство на овој автомобил ќе започне во јануари во гига фабриката во Шангај, исто како и со Model 3 Highland.
Оваа информација ја откри доверлив извор, кој изјави дека промените во екстериерот и ентериерот ќе бидат слични на оние што ги носи Model 3 Highland. Затоа, се очекува поагресивен дизајн на предното светло и минималистички ентериер. Исто така, автомобилот може да добие поголема батерија од 95 kWh, подобрени електрични мотори и најновиот хардверски пакет FSD на Tesla наречен AI4.
На овие спецификации може да се додадат и 800V погонската група на Cybertruck и архитектурата со низок напон од 48V, но прецизни податоци за полнењето и опсегот сè уште не се достапни.
Juniper ќе биде еден од двата нови модели што ќе се произведуваат во Шангај од 2025 година, а другиот наводно е Model Y со шест седишта. Оваа конфигурација е популарна локално, така што верзијата со шест седишта на Model Y може да остане ексклузивна на кинескиот пазар, но нема да почне да излегува од производната линија до последниот квартал од 2025 година. Затоа, јасно е дека фокусот ќе биде ставен на Juniper.