Од 28 јуни 2025 година, во Германија ќе стапат на сила големи промени во врска со користењето на банкоматите.
Според новиот Закон за пристапност (BFSG), сите нови банкомати мора да бидат целосно достапни за лицата со попреченост. Целта на законот е да се обезбеди еднаков пристап за сите корисници, без потреба од помош од други.
Новите банкомати мора да имаат:
-Поголеми и екрани со поголем контраст со поедноставен интерфејс
-Копчиња погодни за инвалидски колички (на соодветна висина)
-Гласовни и аудио функции за лицата со оштетен вид и слепите лица
-Тактилни ознаки на тастатурите
Старите банкомати (инсталирани пред 28 јуни 2025 година) можат да се користат уште максимум 15 години, но до 2040 година сите мора да бидат заменети со достапни верзии.
Промените не се однесуваат само на хардверот, туку и на софтверот: на пример, екраните, упатствата и безбедносните пораки мора да бидат разбирливи за лицата со различни видови попреченост, а системите мора да бидат компатибилни со асистивните технологии (на пр. читачи на екран или Брајови линии).
Законот не се однесува само на банкоматите, туку и на сите банкарски услуги, вклучувајќи онлајн банкарство, мобилни апликации и поддршка на клиенти.
Банките мора јавно да документираат како ги исполнуваат барањата за пристапност.
Во случај на непочитување, може да се изречат казни или дури и забрани за обезбедување услуги.
Граѓаните можат да поднесат жалби доколку наидат на пречки при користењето на услугите.
Овој закон е дел од спроведувањето на директива на ЕУ, а неговата цел е да обезбеди еднаков пристап до секојдневните производи и услуги за лицата со попреченост. Покрај банкарскиот сектор, законот опфаќа и онлајн купување, телекомуникации и јавен превоз.