Кинескиот бренд за електрични автомобили Jiuye, кој е делумно во сопственост на групацијата Geely, продава автомобили за 2.500 евра. Сето ова доаѓа по период на финансиски проблеми и намалени бројки за продажбата на автомобилската марка.
Jiuye имаше амбициозни планови со лансирање на неколку луксузни модели, а еден од нив ја освои престижната награда за дизајн Red Dot. Успехот не се оствари, а во Кина беа продадени само 14.000 автомобили. Денес се чини како брендот да се приближува до банкрот.
Сопствениците, Geely и Baidu, наводно одбиваат да инвестираат дополнително во компанијата, што доведува до фрустрација кај вработените. Во декември, канцеларијата на Jiuye беше опколена од гневни вработени кои не ја добија својата плата или каква било форма на отпремнина.
Според кинеските медиуми, финансиските проблеми очигледно се преголеми за продолжување на функционирањето на оваа компанија. Baidu го откри овој проблем за време на длабинската анализа во октомври и одлучи да го прекине финансирањето.