Високи претставници од централното раководство на СДСМ денеска во 14 часот во Куманово ќе објават „бомба“, односно нови телефонски разговори, кои се продолжение на проектот „Вистината за Македонија“. ЌЕ имаат повеќе средби со стечајните работници, новинари и земјоделци.
-Членовите ќе остварат средби со луѓето во градски, приградски и рурални средини каде ќе разговараат за актуелната економско-политичка состојба-изјави портпаролот на Општинската организација на СДСМ од Куманово, Сашо Тодоровски.
Инаку утре со почеток во 18:30 часот симпатизерите и членови на СДСМ ќе започнат протестен марш, кој што ќе започне пред зградата на поранешен Комитет.
-Ја користиме оваа можност да ги поканиме сите граѓани што помасовно да ни се приклучат во давањето отпор на моменталната власт во Македонија, со цел да ја покажеме нашата храброст-додаде Тодоровски.
Маршот ќе го предводат претставници од централното партиско раководство, заедно со претседателот на општинската организација на СДСМ Куманово, градоначалникот и пратениците.