Најмалку 22 лица загинаа во силна експлозија во хотелот Саратога во центарот на Хавана, а повеќе од 70 лица се повредени, јави кубанската државна телевизија.
Кубанските власти соопштија дека првите резултати од истрагата покажуваат дека причина за вчерашната експлозија е протекување на гас.
Video of Hotel Saratoga in Havana right now. pic.twitter.com/U3qQPHFIH1
— Patrick Oppmann CNN (@CNN_Oppmann) May 6, 2022
Кубанскиот претседател Мигел Дијаз Канел во телевизиско обраќање од местото на настанот изјави дека сè укажува дека експлозијата била несреќен случај.
Тој истакна дека експлозијата не била предизвикана од бомба и дека нема индиции дека се работи за терористички напад, а по враќањето од местото на експлозијата и кратка посета на две болници каде се лекуваат повредените, инцидентот го нарекол „жална несреќа“.
People attempting to rescue the injured from the Hotel Saratoga explosion in Havana, Cuba. pic.twitter.com/tblDl4vx6r
— Comandante Shinji 🇨🇺 (@ShinjiTheCuban) May 6, 2022
Вчерашната експлозија се случила во близина на училиште со повеќе од 300 ученици, соопштија здравствените власти, а во неа се повредени најмалку 15 деца, соопшти Министерството за здравство, додека едно дете починало.