Уште во 2022 година, Mercedes-Benz ја објави серијата Mythos на „високо ексклузивни колекционерски автомобили“ како дел од нејзиниот обид да ја зголеми продажбата на возила од високата класа, потврдувајќи дека Mythos ќе произведува специјални возила во мали количини за „најпосветените Mercedes-Benz ентузијасти и колекционери“.
Mythos всушност ќе се позиционира над Maybach во однос на портфолиото на брендови на Mercedes.
Како што сега откри извршниот директор на Mercedes, Ола Келениус, првиот од моделите од серијата Mythos ќе пристигне во 2025 година, но без да даде детали.
Сепак, една тизер слика од 2022 година сугерира дека првиот автомобил на Mythos ќе биде Speedster со отворен покрив базиран на новиот Mercedes-AMG SL.
„Повеќето луксузни компании го градат своето портфолио врз основа на една или две вистински икони. Mercedes-Benz е среќен што има неколку култни производи и брендови на врвот од своето портфолио, како што се S-Class, SL, G-Class, како и брендовите AMG и Maybach. Гледаме голем потенцијал овде да го прошириме нашето премиум портфолио со уште пофасцинантни производи за нашите клиенти. Фокусирајќи се на своите најлуксузни и производи со највисока маржа, Mercedes има за цел да испорача силен финансиски резултат дури и под попредизвикувачки пазарни услови“, истакна Калениус за проектот.