За време на мобилниот конгрес во Барселона, првиот „Land Rover“ смартфон ќе биде претставен на крајот од месецот. Уредот се вика „Land Rover Explore“, а производителот е британската „Bullitt Group“.
Компанијата има силно искуство во производство на особено издржливи паметни телефони благодарение на серијата „CAT“. „Land Rover Explore“ беше најавен оваа недела на спортската изложба „ISPO“ во Минхен, но неговата официјална премиера ќе биде дури во Барселона.
Уредот е насочен кон оние кои поминуваат повеќе време во природа, а освен тоа има попривлечен дизајн во споредба со серијата „CAT“, иако поради чисто објективни причини, поврзани со издржливоста на телефонот на надворешни влијанија, тој сепак ќе биде многу пообемен од конкурентите.
Големата новост во „Land Rover Explore“ е неговата модуларна структура. Задната плоча на телефонот е магнетна и може да се „закачат“ дополнителни уреди за да ја прошират неговата функционалност.
За време на „ISPO“ беше прикажан и т.н. „Adventure Pack“, кој вклучува модул со моќна GPS антена, модул со дополнителна батерија и модул за топографска навигација со додадена реалност.
Во моментов не се објавени точните хардверски спецификации, кои очигледно се задржани за настанот во Барселона, а од „Bullitt Group“ само најавија дека стартната цена ќе биде 649 евра / 599 евра со почеток на продажбата во април.