Рускиот психолог Михаил Лабковски 40 години ги проучува семејствата. Во оваа прилика тој зборуваше за одгледување ќерки и мајки кои страдаат.
– Статистички, жените се жртви најчесто во семејствата. Не ми се допаѓа идејата дека жените се пасивни и самопожртвувани по природа. Всушност, постојат општествени корени, норми, но и родителски реченици кои буквално закопуваат девојка, а подоцна и жена: „Девојка си, девојки не се расправаат“, „Чувај си го образот, молчи, биди над него. …“, „Жената мора да знае да трпи“ и други глупости – вели психологот.
– За жал, многу мајки се уште ги воспитуваат ќерките на овој начин. Но, се случува и мајката да и каже на ќерката: „Биди силна“, „Треба да се залагаш за себе“ или „Ништо не те ограничува“, додека во исто време мајката го живее животот како типична жртва. Секако, најлошото нешто што една мајка може да му го направи на своето дете е да седне по расправија со татко и да каже „види што ми направи татко ти!“
-Ова не смее да се случи! Вашето дете не треба да ви биде терапевт – додава тој.
– Патем, да се навратам на популарната фраза: „Го трпев само заради децата“. Драга жено, колку повеќе го трпиш и трпиш, толку повеќе формираш жртва кај твоите деца. Ако сакате да направите нешто важно за вашето дете – оставете го тиранинот! Подобро децата да живеат под кирија, на село или да трпат сиромаштија, отколку секој ден да гледаат како татко им ја малтретира мајка им или нивните родители се расправаат – нагласува Лабковски.
– Еден мој пријател знае да каже: „Сè уште не е решено! Секогаш можете да почнете да живеете поинаку“. Проблемот е главата, а не мажот, газдата, економската ситуација или бог знае што! И само вие можете да го направите првиот чекор – објасни рускиот психолог.