193
МВР информира дека утрово во Прилеп дошло до жестока физичка пресметка, при што се користеле и пиштоли. Според податоците, тројца прилепчани биле уапсени откако физички нападнале нивни сограѓанин, а потоа му се заканувале со пиштол и испукале неколку куршуми во воздух.
-На 27.08.2021 во периодот од 03.20 до 03.40 часот во Прилеп, полициски службеници од ОВР Прилеп ги лишиле од слобода М.С.(31) ,В.Г.(30) и Б.Б.(24), сите од Прилеп, затоа што претходно на бул.„Гоце Делчев“, по кратка расправија, физички го нападнале В.Н.(28) од Прилеп, а еден од нив му се заканил со пиштол, по што испукал неколку куршуми во воздух и во земја. По целосно документирање на случајот против нив ќе биде поднесена соодветна пријава, велат од МВР.