253
„Со оглед на тоа што во моментов притворската мерка не е неопходна за обезбедување на неговото присуство, јавниот обвинител согласно своите законски надлежности предложи таа да биде заменета со мерки на претпазливост“, велат од ОЈО.
Осомничениот за двојното убиство во „Шиша бар“ во Скопската чаршија, е ослободен од притвор во замена за полесна мерка на претпазливост, дознава ,,Локално’’.
Осомничениот беше во притвор од јуни, а од Обвинителството посочуваат дека тој е осомничен за помагање при сторување на кривично дело, па затоа и не е неопходно обезбедување на присуство.
На 6 март годинава на самото место беа убиени Јетон Кривањева – Жила и Енес Исени. Истрагата се уште трае, а лицето кое го купило автомобилот „Ауди“ е се уште во притвор.