Путин: Не гледам потреба да разговарам со Бајден сега

Рускиот претседател Владимир Путин денеска изјави дека во моментов не гледа потреба да разговара со неговиот американски колега Џозеф Бајден.

„Тој треба да биде прашан дали е подготвен да разговара со мене или не. Да бидам искрен, воопшто не гледам потреба за тоа. Нема платформа за какви било преговори, во ниту еден момент“, рече Путин на прашањето дали е можно да се сретне со Бајден на самитот на Г-20 во Индонезија, пренесе ТАСС.