Тајните служби на западните земји сакаат да користат терористички организации за ослабување на Русија, изјави денеска рускиот претседател Владимир Путин.
Тој се состана со одборот на Федералната служба за безбедност и потсети дека минатата година специјалните служби на Руската Федерација ја уништија последната организирана терористичка група која изврши злосторства во Чеченија и Ингушетија.
Во моментов, рече Путин, во тек се превентивни активности со цел неутрализирање на милитантите надвор од границите на Русија, посочувајќи ја како пример борбата против терористите во Сирија.
– Би сакал да забележам дека во 2020 година беа спречени 72 терористички напади. Тоа е дури една четвртина повеќе од една година порано. Ваквите статистички податоци укажуваат на тоа дека во повеќето случаи, можно е да се детектираат терористички планови дури и во фаза на подготовка за напад. Но, бројките исто така ни покажуваат дека милитантите сакаат да ја обноват својата активност на секој начин – рече Путин, објави радио Спутник .
Рускиот претседател истакна дека денес е важно не само да се идентификуваат и елиминираат терористичките ќелии, туку и да се анализира и предвиди ситуацијата, бидејќи водачите на овие опасни организации постојано ја менуваат тактиката и користат нови начини за промовирање на нивните деструктивни идеи.
– Ве молиме, посветете посебно внимание на создавањето контакти меѓу терористичките групи и странските специјални служби. Сите тоа добро го знаете, и за жал терористите користат такви врски – рече Путин.