Рускиот претседател Владимир Путин мораше да чека странски претседател за време на самитот во неговиот роден град Санкт Петербург, каде што се обиде да придобие повеќе сојузници.
На видео кое кружи на Интернет, се гледа како Путин го чека египетскиот претседател Абдел Фатах Ел Сиси околу 20 секунди за време на вториот руско-африкански самит.
Камерата го сними Путин како тивко шета низ ходникот со рацете зад грб и ги распоредува предметите на масата пред да продолжи да чекори, пренесува Newsweek.
Видеото предизвика големо внимание на социјалните мрежи, а некои истакнаа дека ова не е првпат Путин да чека, откако претходно најмногу доцнел на закажаните средби со странските лидери.
Putin had to wait for quite some time for the president of Egypt.
This is not the first time that foreign leaders have made Putin wait for their meetings. pic.twitter.com/WSaO1UWayN
— Anton Gerashchenko (@Gerashchenko_en) July 27, 2023