Путин пристигна во Минск, ќе учествува на состанокот на Советот за колективна безбедност

од Stefanija Kuzmanovska

Рускиот претседател Владимир Путин денеска пристигна во Минск, каде ќе се одржи состанок на Советот за колективна безбедност.

На дневен ред ќе бидат прашања за интеракцијата меѓу членовите на организацијата, вклучително и подобрување на системот за колективна безбедност, како и меѓународни и регионални проблеми, пренесе РИА Новости.

Во пресрет на патувањето во Минск, на средба со владата, Путин ја покренал темата за формирање унифициран систем за противвоздушна одбрана на земјите на Советот за колективна безбедност.

Тој ја изразил подготвеноста на Москва да ја продолжи и да ја заврши оваа работа.

Претседателот на Русија рече дека две дивизии на рускиот систем за противвоздушна одбрана С-300, односно осум фрлачи, веќе се доставени во Таџикистан.

Путин нема да има одвоени билатерални средби со лидерите на земјите од Советот за колективна безбедност во Минск, но комуникацијата на маргините на самитот ќе биде задолжителна, изјави портпаролот на рускиот претседател Дмитриј Песков.

Кремљ изрази жалење за неговото одбивање да дојде во Минск.

Истовремено, Москва очекува Ереван да продолжи да работи во рамките на Советот, додаде Песков.

Организацијата на Договорот за колективна безбедност вклучува шест земји: Русија, Ерменија, Белорусија, Казахстан, Киргистан и Таџикистан.

Слични содржини