ПУТИН ВТОР ДЕН ВО ИЗОЛАЦИЈА: Позната е здравствената состојба на претседателот на Русија

Здравствената состојба на рускиот претседател Владимир Путин, кој мораше да биде изолиран бидејќи коронавирусот беше потврден кај луѓе од неговата блиска околина, е одлична и се чувствува добро, изјави денеска портпаролот на Кремљ, Дмитриј Песков.

– Се чувствува добро. Тој е совршено здрав – рече Песков, обраќајќи им се на новинарите, пренесе ТАСС.

Песков додаде дека Путин ќе продолжи да работи.

Путин во вторникот рече дека ќе мора да се изолира затоа што бил во контакт со луѓе од неговата блиска околина, кај кои е потврден коронавирусот.