Рускиот претседател Владимир Путин денеска за време на седницата на Советот за национална безбедност во Кремљ оцени дека западните разузнавачки служби се вклучени во планирањето на украинските терористички напади на руска територија.
„Украинските неонацисти и нивните соучесници не дејствуваат само во новоприпоените региони на Федерацијата, туку вршат злосторства и во други делови на Русија“, рече рускиот лидер, пренесе ТАСС.
На состанокот на Советот за национална безбедност на кој присуствуваа лидерите на четирите региони кои ѝ се придружија на Руската Федерација минатата година, Путин ја обвини Украина дека со помош на западните разузнавачки служби извршила злосторства против руски локални функционери, безбедносни лица, новинари и едукатори.