Румен Радев, претседател на Бугарија во периодот 2017-2026 година, кој планира да учествува на предвремените парламентарни избори со коалицијата „Прогресивна Бугарија“, го критикуваше привремениот кабинет, обвинувајќи го за „пасивно однесување“ во контекст на два вооружени конфликти во непосредна близина на Бугарија.
Во објава на социјалната мрежа Фејсбук, тој предупреди дека „нападите врз Иран создаваат реален ризик за нашата безбедност“.
„Пасивното однесување на привремениот кабинет, кој ги минимизира ризиците и не презема потребни мерки во вакви случаи, е алармантно“, напиша Радев, повикувајќи го кабинетот итно да ги провери резервите на сурова нафта, течни горива и гас што ги има Бугарија и подготвеноста да ги користи во случај на потреба.
Според него, се очекува војната да предизвика и нов прилив на имигранти во наредните месеци.
Според Радев, привремената влада мора да го контролира и „шпекулативниот пораст на цените, што е последица на присилното воведување на еврото и слабата подготвеност на бугарските институции за борба против шпекулациите“.