Претседателите на Бугарија и Косово – Румен Радев и Вјоса Османи, разговараа за теми од агендата за регионална соработка и процесот на европска интеграција на земјите од Западен Балкан. Двајцата разговараа во рамките на деветтото издание на форумот „Иницијатива за идни инвестиции“, чиј домаќин е Саудиска Арабија, соопшти прес-службата на шефот на државата.
Непоколебливата аспирација на Косово за изградба на стабилни институции и продлабочување на регионалната соработка е во интерес и на земјите од Југоисточна Европа и на Европската Унија и заслужува признание и поддршка, рече Радев на средбата.
Заедничкиот став беше дека напредокот на земјите што аплицираат за членство во ЕУ треба да се земе предвид врз основа на нивните сопствени достигнувања и реформите што се спроведуваат. Во овој поглед, претседателот Радев го истакна политичкиот и јавниот консензус во Косово во поддршка на европската интеграција на земјата, како и систематските активности на институциите во оваа насока.
За време на средбата, шефот на бугарската држава, исто така, изрази благодарност на претседателката Османи за преземените мерки во поддршка на бугарската заедница во Косово, како и за нејзиното институционално вклучување, соопшти секретаријатот за печатот.
Во Ријад, Румен Радев се сретна и со престолонаследникот и премиер на земјата, принцот Мохамед бин Салман, и го обнови поканата да ја посети Бугарија.