210
Албанската социјалистичка партија на премиерот Еди Рама досега собра потписи на 47 пратеници во албанскиот парламент, за покренување на постапката за отповикување на претседателот на државата, Илир Мета.
Се очекува иницијативата за разрешување на претседателот Мета да биде доставена до албанскиот парламент во текот на денот, по што ќе се формира истражна комисија што ќе го разгледа барањето.
Социјалистичката партија, која на неодамнешните парламентарни избори го освои мнозинството места во албанскиот парламент, веќе објави дека ќе побара Собранието да го отповика претседателот Мета, заради наводно кршење на Уставот и учество во изборната кампања.